Aditzoina

1.- Nahi dituzun lan guztiak aipa ditzakezu idatzi behar duzun artikulu horretan.

2.- Edozein ordutan etor daitezke zure lagun horiek. Guk egun osoa eman behar dugu etxean.

3.- Egun hartan, elurra zela kausa, ezin jaits zitezkeen Everestetik.

4.- Seinalea ezkutuan da eta hurbiletik igarotzen direnak ezin ohart daitezke han dagoela, seguru nago.

5.- Latasa sasoian zegoen garai hartan eta lau kanako enborrak aise moztu zitzakeen.

6.- Iruñean, uda partean, gero eta turista gehiago ikus daitezke.

7.- Pisuegia zen eta gixontxo hark ezin euts ziezaiokeen boltsa handi hari.

8.- Ongi iritz ziezaioketen erreka zulo hartan lan egiteari, baina azkenean dena uztea erabaki zuten.

9.- Aurpegian atera zaizkion pikor gorri itsusi horiek nekez ezkuta ditzake, krema kilo pare bat emanda ere.

10.- Hurbilduz gero ontzia puskatua zegoela erraz nabari zitekeen, baina urrunegi zeuden hortaz konturatzeko.

11.- Argia pitz genezakeen iritsi ginenean, baina ilbete zegoen gau hartan eta nahiago izan genuen ilargiaren argitan ibili.

12.- Lansari hobea eskain ziezaieketen, baina orduko hartan ontziolak gaizki zebiltzan eta ez zieten deus berezirik eskaini.

13.- Goizago jaiki gintezke; gero, ordea, egun guzia erdi lo emanen genuke, eta nahiago dugu ohatzean beranduago arte gelditu, axola ez bazaizue.

14.- Atea kisketarekin eta atalagarekin itxi nezakeen gau hartan, baina ez nintzen beldur, eta irekita utzi nuen.

15.- Haurra hor uzten baduzu, bakarrik, irrista daiteke, uretara erori eta ito.

16.- Hori erran zuelarik ezagut nezakeen nolako pertsona zen, baina egia erran ez nintzen ohartu.

17.- Hola jarraituz gero Artikoko izotza ur daiteke eta itsasoko uraren maila igo, uharte txiki anitz estaltzeraino.

18.- Bere izenez dei nezakeen, baina denek sagua erraten zioten, eta izengoiti hori erabili nuen nik ere.

19.- Euskaraz, aditzak, aise lant daitezke. Ordu batzuk sartzeko gogoa behar da, ordea, eta zenbaitek falta dute.

20.- Hori erraten badiezue min daitezke, eta gero lanak izanen dituzue nahi duzuena lortzeko.